Rock Wizzard

AN VANGLAINITE:……kum 1980 a rawn in herchhuaka, Zorimawi chanchina thil chhinchhiahtlak tak a rawn thleng ve nghal chiah mai. Zorimawi khawvel chuan bung thar a keu ta tiin sawi ila a dik ber ang. Khawthlang rimawi huanga kawngzawh la thuilo tak zorimawi chuan chak takin hmasawnna lamtluang a zawh chho ve zela.kum 1980 tirteah Rock band ropui ”’ Rock Wizzard ”’ chu Aizawl khawpui mawi takah hian din niin Mipui Hmaah an rawn inthehthil tan ta a ni. James B Ralte, sipai fa, Vairam lama a pa hnathawh avanga a hun tam zawk naupanlai atanga hmang thin, Pune Khawpuia Bcom zir mekte chhungkua chuan Mizoram an rawn chuangkai ta a. Chu chu Zorimawi hmasawn nan thil tangkai tak a ni nghal bawka. James B Ralte hi Bombay khawpui, bombay khawpui IIT campus, Mood Indigo hmuna Music festival neih anih tuma best guitarist a thlan kha a nive hrim hrim bawka. Chutiang taka all india level pawha rimawi lama tawnhriat ngah tak chu Aizawl khawpuia heng hunlaia guitarist lar em em, Rohmingthanga(Raw-a), hla lar tak tak, Min veive rawh, Suihlunglen hi, Doral lian, Lenlai a ruallo tih hlathluk siamtu nibawk te nen inkawp chho nghalin, Hlaphuahthiam hmingthang Valzotea hruithum perh tura sawm nghalin, Khuang vawtu atan Peter C Lalrinmawia sawm nghal bawkin an ni thian ho hian 80s chho vela rock band huhang ngah leh thawmna chu a rawn din ta a ni. Heng hunlaia british rock band lar em em, a bik takin guitarist ho ngaihsan rawn Dire Stait ho hla hit ”’Sultan of swing”tih hlate chu Rock Wizzard lead guitarist James B Ralte chuan a han play ve thei maite, British heavy rock band ropui deep purple ho hla bonra ”’ highway Star”’ an han play ve mai theite leh heng hunlaia Us leh British rock band lar ber berte hlalar an play ve thei nghal zel maite chuan mite beng an titlaia, mite beisei phak bakin a perfomance a tha a, Mizo hla leh sap hla an play thiam ve ve a. Rock Wizzard ho hian a hunlai na na na chuan Zorimawi khawvel hi an chiah hneh teh asin. A va lunglenthlak vele,Rock band ropui Rock Wizzard Band Memberte hian fam dairial an chang zo ta. An hunlaia mit mit leh beng titlaitute chu. Rock Wizzard Member zingah hian an Khuang vawtu Peter C Lalrinmawia chiah a dam tawh a ni.Rock Wizzard ho ho khawmtu ber chu Mana International(Pu Mana) tupa-Pu LH Thanga a nia. Ani hian Hetih hunlai hian JETEi Recording Studio a nei a. A naute ho hi Studio a musician an ni nghal mai bawka. A remchang hle a ni. James B Ralte hian Mizo zaithiam Audio- album hmasa ho ah khan hnuhma a ngah hle maia. Peter C Lalrinmawia Audio album hlawhtling tak ” Laichhuat an chhir” tih album te kha a kutchhuak a nih bakah OTTO recording studio tih chhuah Zira Hnamte Album ”’ Sudden Muanga” tih album te kha a kutchhuak a nih bakah Peter C Lalrinmawia Hla hit tawpthang, ” Karhla thian”’ tih hlaa guitar introduction mawi dangdai leh melodious em em maite kha James B Ralte Kutthlak a ni a. A tingtang perh dan technique hrim hrimte kha tunhnu daiha han ngaihthlak leh pawh hian a chungchuan zia leh mibik a lo nih zia hi a chiang hle a ni.

by Lalthazuala Chhangte

2018-04-20T04:32:24+00:00