HMAI BAWL DUK TIHREHNA

Hmelchhe tan leh hmeltha tan te, vun ngo leh hang tan te, nulian palian leh nute pate tante leh apui apang alian ate chenin hmai bawl duk/dum hian mi a tihmelhemin mi a tihlim lo thei hle. Pian nalh leh ngo nalh tak pawh ni se, a hmai khuaibu ang maia a dum bawl chik khuar nuka a sen tuak chuan ngaihnat leh hmangaih pawh a sak deuh talh thin tih chu thil chiangsa a ni. Mahse, hmangaihnain a hneh viau chuan a tlinlohna lai hi a hipnatu lai tak a ni veleh thei tlat bawk.
Hmai bawl duk dumte hi chhan hrang hrang avangin a awm thei a, a tam ber hi chu nisa tuar lutuk vang leh eng zung ultraviolet (UV) avangtea awm a ni tlangpui a. Tun tumah chuan a natna lam chhui vak lovin mahnia inenkawlna hmanraw mawl tete tarlang ila tangkai taka hman tum ang che.
NIMBU TUI:
Nimbu tui firin i hmai bawl lai uluk takin hnawih la minute 15 chhung i chiah vang vang hnuah tui vawt thianghlimin phih fai la, hetiang hian nitin chawlhkar 2 chhung tal ti thin ang che.
ALU 1:
Alu pante tein zai lep la, i hmai bawlah khan dimtein bel rawh. Rei vak lo dah vang vang la tichuan tuilum pep pepin phih faileh thin la hetiang hian nitin chawlhkar 2 chhung ti thin ang ang che.
ALU 2:
Alu kheh la sawm dip derhin rawt sawm la, khawizu fir thirfiante khat nen uluk takin chawhpawlh la i hmai bawl laiah uluk takin hnawih la minute 25 chhung chiahin nghak ro la, chumi hnuah tuilum pep pepin phih fai leh la hetiang hian chawlhkar hnih chhung tal ti thin ang che.
ALU 3:
Alu pum 1 tui siam la, Nimbu tui fir thirfiante 1 leh aieng dip thirfiante 1 nen uluk takin chawhpawlh ang che. I hmai bawlah uluk takin hnawih la i nghah ro hnuah dimtein puan nem thianghlimin hrufai leh thin ang che.
BUTTER MILK:
Buttermilk thirfiante 4-ah tomato tui thirfiante 2 telhin uluk taka i chawhpawlh hnuah i hmai bawlah hnawi la minute15 i chiah hnuah phih fai thin ang che.
ALOEVERA HNAH:
Aloevera i khawi em a hnah hring thalai ngei mai kha rawtsawmin a tui la chhuak la chu ngei chu i hmai bawlah khan hnawih rawh. I kutzung tangin dimte tein hmet/zut tuai kual la, minute 15-20 chhung chiahin phih fai leh thin la hetiang hian hapta 2 chhung tal ti thin ang che.
THINGRAI:
Thingrai dip thirfiante 1 ah thil thlum tuihnang chat damdawia hman thin glycerin fiante 1 leh Rose par tui fiante 3 rose par rawtsawt tui i neih loh chuan bawnghnute emaw khawizu fiante 1 i pawlh thei. Uluk taka i chawhpawlh hnuah dim takin i hmai bawlah hnawih la, chiah vang vang la phih faileh thin la a reh hma chuan hetiang hian ti thin ang che.
AIENG:
Aieng tui emaw a dip emaw leh bawnghnute leh nimbu tui fir inzat vekin chawhpawlh la, i hmai bawl laiah uluk takin hnawih la i nghah ro hnuah tuilum pep pepin phih fai leh thin ang che. Chawlhkar 2 chhung tal hetiang hian ti thin ang che.
Khingte khi i remchan dan angzia zelin hman tum la avaia hman rual vek tur tihna a ni lo.

by – Dr. C. Lalrampana

2018-08-13T13:50:13+00:00